راولپنڈی(اپنے سٹاف رپورٹر سے)سی پی او سید خالد ہمدانی کی ہدایت پر راولپنڈی پولیس کا مختلف علاقوں میں سرچ آپریشنز،سرچ آپریشنز تھانہ ریس کورس،آراے بازار اور ٹیکسلا کے مختلف علاقوں میں کیے گئے،  سرچ آپریشنز میں ضلعی پولیس سمیت، لیڈی پولیس، ایلیٹ فورس اوردیگر قانون نافذ کرنے والے اداروں نے شرکت کی، سرچ آپریشنز کے دوران مجموعی طور پر 92 گھروں، 46 دوکانوں، 03 ہوٹلز اور 185شہریوں کے کوائف کو چیک کیا گیا، ایس پی پوٹھوہار ناصر نواز کا کہنا ہے کہ سرچ آپریشنز کا مقصد جرائم پیشہ عناصر کی بیخ کنی کرنا ہے،نیشنل ایکشن پلان کے تحت سرچ آپریشنزکا سلسلہ جاری رہے گا۔