4 ملزمان گرفتار، ساڑھے  3 کلو سے زائد چرس برآمد

راولپنڈی(اپنے سٹاف رپورٹر سے)راولپنڈی پولیس نے منشیات فروشوں کے خلاف کریک ڈائون کے دوران 4 ملزمان گرفتار کرکے ساڑھے 03 کلو سے زائد چرس برآمد کرلی روات پولیس نے ملزم حبیب اللہ کو گرفتار کرلیا، ملزم سے02 کلو 288 گرام چرس برآمد ہوئی، ٹیکسلا پولیس نے ملزم عزیز اللہ سے 510 گرام چرس برآمد کی، گوجر خان پولیس نے ملزم عثمان سے 560 گرام چرس برآمد کی، جاتلی پولیس نے ملزم عبدالقیوم سے 540 گرام چرس برآمد کی، ملزمان کے خلاف الگ الگ مقدمات درج کرلیے گئے، سی پی او سید خالدہمدانی کا کہنا تھاکہ ملزمان کو ٹھوس شواہد کے ساتھ چالان عدالت کرکے قرار واقعی سزادلوائی جائے گی، منشیات فروشوں کے خلاف بھرپور کاروائیاں جاری ہیں۔