چار گھروں سے نقدی، زیورات،لیپ ٹاپ،موبائل فون اور قیمتی اشیا چوری

اسلام آباد (اپنے سٹاف رپورٹر سے)چوری اور سنیچنگ کی وارداتوں میں شہری نقدی، زیورات ، انعامی بانڈز، کار اور سات موٹر سائیکلوں سے محروم ہو گئے تھانہ آبپارہ کے علاقے میں گھر کے تالے توڑ کر نقدی، زیورات اور قیمتی اشیا چوری کرلی گئیں تھانہ سبزی منڈی کے علاقے میں دو مسلح نقاب پوش ایک شخص سے گن پوائنٹ پر موٹر سائیکل چھین کرفرار ہوگئے تھانہ آئی نائن کے علاقے میں گھر کے تالے توڑ کر نقدی، لیپ ٹاپ، موبائل فون چوری کرلئے گئے تھانہ رمنا کے علاقے میں گھر سے نقدی، پرائز اور موبائل فون چوری ہوگئے تھانہ کورال کے علاقے میں دو افراد نے اسلحہ دکھا کر شہری سے موٹر سائیکل چھین لیا تھانہ ویمن کو خاتون نے بتایا کہ ان کے گھر میں چوری ہوگئی ہے تھانہ آبپارہ کے علاقے سے کار چوری ہوگئی تھانہ رمنا ، تھانہ سنبل ، تھانہ آئی نائن ،تھانہ شہزاد ٹائون اور تھانہ کورال کے علاقوں سے پانچ موٹر سائیکل چوری ہوگئے۔