لاہور(سپورٹس رپورٹر) پاکستان کرکٹ بورڈ کے چیئرمین تین روزہ دورہ پر دبئی پہنچ گئے۔ سربراہ پی سی بی اپنے دورہ میں پاکستان کرکٹ ٹیم کے کھلاڑیوں، منیجمنٹ اور انگلش کرکٹ بورڈ کے دبئی آئے حکام سے ملاقاتیں کرینگے۔ شہریار خان نے روانگی سے قبل لاہور میں میڈیا سے گفتگو کرتے ہوئے کہا تھا کہ وہ اپنے دورہ میں انگلش کرکٹ بورڈ کے حکام سے بھی ملاقات کرینگے جس میں آئی سی سی فیوچر ٹور پروگرام سمیت بگ تھری کا ایشو بھی تبادلہ خیال ہو سکتا ہے۔ چیئرمین کا کہنا تھا انگلش بورڈ کے حکام سے درخواست کرینگے کہ وہ اپنی جونیئر اور اے ٹیموں کو دورہ پاکستان کے لیے تیار کریں۔ چیئرمین سی بی دبئی میں پاکستان کی طرف سے سب سے زیادہ ٹیسٹ رنز بنانے کا اعزاز حاصل کرنے والے یونس خان سے بھی خصوصی ملاقات کر کے انہیں مبارکباد پیش کرینگے۔