گریم سمتھ کا ریکارڈ ٹوٹ گیا،ایلسٹرکک بطور اوپنر ٹیسٹ کرکٹ میں زیادہ رنز بنانے والے دوسرے بلے باز بن گئے

دبئی (اے پی پی) انگلش ٹیم کے قائد ایلسٹرکک ٹیسٹ کرکٹ کی تاریخ میں بطور اوپنر زیادہ رنز بنانے والے دنیا کے دوسرے بلے باز بن گئے۔ کک نے پاکستان کے خلاف دوسرے ٹیسٹ کی پہلی اننگز میں سابق جنوبی افریقن ٹیم کے کپتان اور مایہ ناز بلے باز گریم سمتھ کے بطور اوپنر زیادہ رنز کا ریکارڈ توڑ ڈالا، سمتھ نے 114 میچز کھیل کر بطور اوپنر 9030 رنز بنا رکھے تھے۔ بطور اوپنر زیادہ رنز بنانے کا عالمی اعزاز بھارت کے سنیل گواسکر کو حاصل ہے، انہوں نے 9607 رنز بنا رکھے ہیں۔ جمعہ کو دبئی ٹیسٹ کے دوسرے روز کک جب میدان میں اترے تو انہیں سمتھ کا ریکارڈ توڑنے کیلئے 16 رنز درکار تھے، انہوں نے اننگز کے ابتدائی 16 رنز جوڑ کر سمتھ کو پیچھے چھوڑ دیا اور اس کے ساتھ ہی وہ بطور اوپنر زیادہ رنز بنانے والے دنیا کے دوسرے بلے باز بن گئے۔