لاہور (سپورٹس رپورٹر+نمائندہ سپورٹس)ورلڈ جونیئر سکریبل چیمپین شپ میں پاکستانی نوجوانوں کا شاندار کارنامہ، پاکستان نے تمام چھ عالمی ٹائٹل جیت لیے، سکریبل کی تاریخ میں نیا ریکارڈ بن گیا۔انگلینڈ کے شہرٹورکے میں بھی پاکستانی سکریبل کھلاڑیوں نے اپنی دھاک بیٹھا دی اور تمام چھ ٹاٹئٹلز جیت لیے، معیز بیگ عالمی جونئیر چیمپئن بن گئے، شعیب ثنااللہ نے عالمی انڈر 18 ایونٹ جیت لیا، حمزہ نعیم عالمی انڈر 16 ایونٹ کے فاتح بن گئے، عماد علی نے عالمی انڈر14 ٹائیٹل پر قبضہ کرلیا، مزمل عاصم عالمی انڈر12 ایونٹ لے اڑے ،جبکہ مصباح الرحمان عالمی انڈر 10 چیمپئن قرار پائے۔