پہلا سندھ اسپورٹس بورڈ کراچی امیچر رینکنگ بیڈمنٹن ٹورنامنٹ2018

کراچی (اسٹاف رپورٹر)پہلا سندھ اسپورٹس بورڈ کراچی امیچر رینکنگ بیڈمنٹن ٹورنامنٹ میں خواتین سنگلز اور مکس ڈبل کیٹیگری کی سیمی فائنل لائن اپ مکمل ہو گئی اسپورٹس کمپلیکس ناظم آباد میں جاری اس ٹورنامنٹ کے وومن کوارٹر فائنل میں سنسنی خیز مقابلوں کے بعد روشین اعجاز نے صالحہ انور کو0-2سے‘ صوفیہ ناصر نے عائشہ احمد کو0-2سے‘دعا نے سارہ آفتاب کو0-2سے‘ مریم حنیف نے عمیمہ عثمان کو0-2 کے یکساں مارجن سے شکست دے کر سیمی فائنل میں جگہ پکی کر لی‘ مکس ڈبل کوارٹر فائنل میں وقاص اور روشین کی جوڑی نے جہانگیر اور صوفیہ کو0-2سے‘ طلحہ علی اور دعا نے حسن اور سارہ کو0-2 کے یکساں مارجن سے ہراکر سیمی فائنل کے لئے کوالیفائی کیا جبکہ عمیر اور مریم نے غفران اور ماہین کو1-2‘سید رضا اور عائشہ نے ذوہیب اور نرمین کو1-2 کے یکساں مارجن سے زیر کرکے سیمی فائنل کھیلنے کا اعزاز حاصل کیا۔ قبل ازیں مردوں کے راﺅنڈ مقابلوں میں معاذ علی نے دانیال خورشید کو0-2‘ فائق ریحان نے عبدالرحیم کو0-2‘ دانیال شہزاد نے معیز احمد کو1-2‘حسیب احمد نے سیف اللہ گابا کو0-2 سے ہرایا۔