لاہور(سپورٹس رپورٹر+نمائندہ سپورٹس) پاکستان ہاکی فیڈریشن کے زیر اہتمام جاری نیشنل ٹرے ہاکی چیمپئن شپ کے دوسرے روز بھی مزید 4 میچوں کا فیصلہ ہو گیا۔ نیشنل ہاکی سٹیڈیم میں کھیلے جانے والے ٹورنامنٹ کے دوسرے روز پہلا میچ بلوچستان بمقابلہ اسلام آباد کھیلا گیا۔ جس میں اسلام آباد نے2 کے مقابلے 3 گول سے کامیابی حاصل کی۔ دوسرا میچ ماڑی پٹرولیم بمقابلہ آزاد جموں کشمیرکھیلا گیا جس میں ماڑی پٹرولیم نے صفر کے مقابلے میں 24 گول سے فتح حاصل کی۔ تیسرے میچ میں پی اے ایف بمقابلہ گلگت بلتستان پچ نمبرایک پر کھیلا گیا جس میں پی اے ایف نے صفر کے مقابلے سترہ  گول سے کامیابی حاصل کی۔  چوتھا میچ سندھ بمقابلہ کے پی کے کھیلا گیا جس میں خیبر پختونخواہ  نے ایک کے مقابلے میں 3 گول سے جیت لیا۔ پاکستان ہاکی فیڈریشن کی سلیکشن کمیٹی کے چیئرمین اولمپین منظورحسین جونیئر اور دیگر ممبران اولمپیئن ایاز محمود، اولمپین ناصرعلی، اولمپین خالد حمید، اولمپئن وسیم فیروز نے تمام میچز دیکھے اور کھلاڑیوں کی تکنیکی صلاحیتوں کا جائزہ لیا۔ آج آرام کا دن  جبکہ کل  پہلا میچ  ایم پی سی ایل بمقابلہ  بلوچستان سے ہوگا۔ دوسرا میچ پنجاب بمقابلہ اسلام آباد کھیلا جائے گا۔ تیسرا میچ ائر فورس بمقابلہ ایچ ای سی کھیلا جائے گا جبکہ چوتھا اور آخری میچ گلگت بلتستان بمقابلہ خیبر پختونخواہ کھیلا جائیگا۔