کراچی(این این آئی)کراچی کے علاقے نارتھ کراچی میں ناگن چورنگی پر پل کے نیچے 5گاڑیوں میں آگ لگ گئی۔فائر بریگیڈ حکام نے واقعے کی تصدیق کرتے ہوئے کہا ہے کہ 1گاڑی میں لگنے والی آگ نے مزید 4گاڑیوں کو لپیٹ میں لے لیا۔فائر بریگیڈ حکام کے مطابق فوری طور پر آگ بجھانے کے لیے فائر بریگیڈ کا ایک ٹینڈر اور عملہ ناگن چورنگی کی جانب روانہ کیا گیا جس نے موقع پر پہنچ کر آگ پر قابو پا لیا۔ابتدائی تحقیقات کے مطابق گاڑیوں میں آگ شارٹ سرکٹ کے باعث لگی ہے۔