تیکوانڈو سٹار پلیئر ماہم آفتاب  برین ٹیومر سے انتقال کر گئیں

وہاڑی(نمائندہ نوائے وقت)دختر وہاڑی بین الاقوامی شہرت یافتہ تیکوانڈو سٹار پلیئر ماہم آفتاب برین ٹیومر کا شکار ہوکر انتقال کر گئیں وہ گزشتہ چار ماہ سے برین ٹیومر کے علاج کے سلسلہ میں شوکت خانم ہسپتال میں زیر علاج تھیں۔ماہم آفتاب نے دی راک تیکوانڈو اکیڈمی وہاڑی سے اپنے تیکوانڈو کیریئر کا آغاز کیا 2007میں پنجاب سپورٹس بورڈ آفیشل انڈر17چیمپئن شپ میں پہلا گولڈ میڈل حاصل کرکے اپنی فتوحات کا آغاز کیا اور پہلی بار اردن میں ہونے والے اولمپکس تیکوانڈومقابلوں میں پاکستان کیلئے گولڈ میڈل جیتا تھا۔ انہوں نے جرمنی ایران،کوریا،سنگا پور، اور دیگر کئی ممالک میں پاکستان کی نمائندگی کی۔