چور پی ٹی سی ایل ایکسچینج  سے بیٹریاں اور تانبے کی تارلے گئے

قطب پور(نامہ نگار) گزشتہ درمیانی شب 3مسلح نقاب پوش ڈاکوئوں نے پی ٹی سی ایل ایکسچینج میں گھس کر چوکیدارمحمد فیاض کا موبائل قبضے میں لیا اور اسے جان سے مارنے کی دھمکی دے کرکمرے میں بند کردیا ۔موقع پر موجود 38بیٹریاں اور تانبے کی تار لے کر فرار ہوگئے۔فجر کے قریب چوکیدار کے واویلا کرنے پر ہمسائے میں موجود گورنمنٹ گرلز ہائی سکول کے ملازم نے مذکورہ کوباہر نکالا۔اطلاع پر فرانزک ٹیم کے ہمراہ تھانہ صدر پولیس  نے موقع پر پہنچ کر اور شواہد اکٹھے کر کے تفتیش شروع کر دی ہے۔