قصور: میلاد کے دوران چھت گر گئی‘ 10 بچے خواتین زخمی 

قصور (نمائندہ نوائے وقت) کوٹ فتح دین خاں قصور میں گھر کی خستہ حال چھت گرنے سے دس خواتین اور بچے زخمی ہو گئے۔ گزشتہ روز کوٹ فتح دین خاں میں گھر کی چھت پر محفل میلاد ہو رہی تھی کہ بچوں کی تعداد زیادہ ہونے سے چھت گر گئی۔ ملبے تلے دب کر دس خواتین کوثر بی بی‘ ثریا بی بی، سکینہ بی بی، حشمت بی بی وغیرہ اور بچے زخمی ہو گئے۔ جنہیں ریسکیو کی امدادی ٹیم نے علاج کے لئے ہسپتال قصور منتقل کر دیا ہے۔