مخدوم رشید (نامہ نگار) کْل پاکستان سالانہ محفلِ نعت شبِ مستغاث کا  درگاہ حضرت مخدوم عبدالرشید حقانی پر انعقاد کیا گیا جس میں ملک بھر سے مشائخ عظام، سجادہ نشین ، قراء  حضرات ، سوزوگداز کے مالک ثناء  خواں، علماء کرام ، پروفیسرز و دیگر اہم شخصیات نے شرکت کی ،بعد نماز مغرب درگاہ حضرت مخدوم عبدالرشید حقانی پر چادرپوشی کی گئی۔ ثناء خواں صابر سردار ، اظہر اقبال، اعجاز احمد ،عبدالخالق قادری ،محمد نواز شاہ مہروی،حمید نواز عصیمی برادران، محمد سجاد نقشبندی ، احمد سجاد ہاشمی ، واجد علی سعید، سجاد حسین سعیدی ودیگر نے آقا ئے دوجہاںؐ کی عقیدت میں پھول نچھاور کئے، علماء کرام میں خصوصی خطاب ارشاد حسین سعیدی ڈائریکٹر جامعہ رحمانیہ کراچی نے  خطاب میں کہا کہ اللہ تعالیٰ نے تخلیقِ کائنات حضرت محمدؐ کی وجہ سے کی، اللہ تعالیٰ نے خود نبی پاک ؐکی تعریف کی ہے۔