حاصل پور( نامہ نگار) پاکستان کی ٹیم ورلڈ کپ کی فائنلسٹ ٹیموں میں شامل ہوگی۔ پاکستان میں ٹیلنٹ کی کوئی کمی نہیں۔ آنے والے وقتوں میں پاکستان میں کھیلوں کا عروج ہوگا۔چوہدری عاشق خالد مرحوم کے بیٹے چوہدری فرینک خالد کی دعوت پر قومی ہیرو شاہد خان آفرید خالد مادرن انڈسٹریز پہنچے انڈسٹریز کا دورہ کیا۔ اس موقع پر انہوں نے کہا کہ پاکستانی ٹیم با صلاحیت کھلاڑیوں پر مشتمل ہے اور ٹی ٹونٹی ورلڈ کپ جیتنے کا سنہری موقع ہے۔اپنے دوست فرینک خالد کیساتھ ملکر یہاں ہسپتال بھی بنایا جائیگا۔ بعد ازاں انہوں نے مرحوم چوہدری عاشق خالد کیلئے فاتحہ خوانی بھی کی۔ اسکے علاوہ فارم پر پودا بھی لگایا۔ بعدازاں انہوں نے خالد ویلفئیر ٹرسٹ اور مسجد کا افتتاح کیا۔