بہاول پور( بیورورپورٹ)اسلامیہ یونیورسٹی بہاولپور نے ویٹ لیفٹنگ کے کھیل میں پہلی مرتبہ حصہ لے کر کانسی کے دو تمغے جیت لیے۔ لاہور میں ہونے والی انٹرورسٹی چمپیئن شپ میں اسلامیہ یونیورسٹی بہاولپور نے پہلی مرتبہ حصہ لیا۔ ڈائریکٹر سپورٹس امجد فاروق وڑائچ کے مطابق وائس چانسلر اسلامیہ یونیورسٹی بہاولپور انجینئر پروفیسر ڈاکٹر اطہر محبوب کی خصوصی سرپرستی اور توجہ کی بدولت تمام کھیلوں میں قومی سطح پر بہترین کارکردگی کا مظاہرہ کر رہی ہے۔