ورلڈ کپ میں پاکستان سمیت ہر ٹیم فیورٹ ہے: جیسن روئے

لاہور(سپورٹس ڈیسک ) انگلش کرکٹر جیسن روئے کے مطابق ٹی ٹونٹی ورلڈ کپ میں کسی ایک ٹیم کو فیورٹ قرار نہیں دیا جاسکتا۔میڈیا سے ووچوئل گفتگو کے دوران جارح مزاج جیسن کا موقف تھا کہ یہ بہت مشکل ہے کیونکہ اس میگا ایونٹ میں حصہ لینے والا ہر کھلاڑی بہت باصلاحیت ہے۔ ٹیم پاکستان کی ہو، ویسٹ انڈیز ، جنوبی افریقہ ، انگلینڈ یا پھر کوئی اور ملک ، سب کے پاس ایک سے بڑھ کر ایک کھلاڑی موجود ہے اس لئے فیصلہ کرنا دشوار ہے کس ٹیم کو فیورٹ قرار دیا جائے۔جیسن روئے کا کہنا تھا کہ انگلش کرکٹ ٹیم میں بھی زبردست پرفارمر ہیں اور سب یہ ہی چاہتے ہیں کہ اس بار ٹی ٹونٹی کا چیمپئن بھی انگلینڈ ہو، پچاس اوورز کرکٹ کی نسبت ٹی ٹونٹی میں کم وقت میں کھلاڑیوں کو پرفارم کرنا پڑتاہے، اس میں بہت جلد فیصلے کرنا ہوتے ہیں اور خاص کر اوپننگ پوزیشن پر کھیلنے والوں کیلئے بہت ضروری ہوتا ہے کہ وہ اپنی ٹیم کو اچھا آغاز فراہم کریں۔ اگر اولمپکس میں ٹی ٹین فارمیٹ کو شامل کیا جاتا ہے تو اس سے کرکٹ کی مقبولیت میں ممبر ممالک کی تعداد میں بھی نمایاں اضافہ ہوگا۔