شہباز شریف کو سابق حکومت سے مسائل کے انبار ورثے میں ملے:جمشید ایوب 

گوجرانوالہ(نمائندہ خصوصی ) مسلم لیگ ن کے سٹی نائب صدر جمشید ایوب بٹ نے کہا ہے کہ پاکستان کا فیٹف کی گرے لسٹ سے نکلنا خوش آئند ہے قومی سلامتی کے اداروں اور حکومت نے اس سلسلے میں بہترین حکمت عملی اپنا کر ملک کو گرے لسٹ سے نجات دلائی پوری قوم کے لئے یہ ایک بہت بڑی خوشخبری ہے ان خیالات کا اظہار انہوں نے اپنے ایک بیان میں کیاا نہوں نے کہا کہ وزیراعظم میاں شہباز شریف کو سابق حکومت سے مسائل کے انبار ورثے میں ملے ہیں جن سے نبرد آزما ہونے کے لئے وہ دن رات کام کر رہے ہیں انہوں نے ملک کو عالمی تنہائی سے نکال لیا ہے آنے والے مہینوں میں معاشی صورتحال میں بہتری متوقع ہے۔