’’لانگ مارچ کیلئے تیار ہو جاؤ‘‘  لاہور کی سڑکوں پر بینرز آویزاں

لاہور (نیوز رپورٹر) لاہور کی سڑکوں پر"لاہور لانگ مارچ کے لئے تیار ہو جاؤــ" کے فلیکس اور بینرز آویزاں کر دئیے گئے ہیں۔ این اے 120باغبانپورہ کی سڑکوں اور مال روڈ، گڑھی شاہو، جی ٹی روڈ، لبرٹی چوک پر لانگ مارچ کے متعلق فلیکسز، بینرز انصاف فورس پنجاب کے چیف کمانڈر میاں عباد فاروق کی جانب سے لگائے گئے ہیں۔ اس موقع پر میڈیا سے گفتگو کرتے ہوئے چیف کمانڈر پنجاب انصاف فورس میاں عباد فاروق نے کہا کہ لانگ مارچ کے حوالے سے ہماری تیاریاں مکمل ہیں۔ پوری قوم عمران خان کے ساتھ کھڑی ہے۔ عمران خان کی قیادت میں ہم اپنی حقیقی آزادی حاصل کر کے رہیں گے۔