راولپنڈی(سٹاف رپورٹر) پنجاب سکول ایجوکیشن ڈیپارٹمنٹ پنجاب نے راولپنڈی سمیت پنجاب کی ڈسٹرکٹ اتھارٹیز اور سکولوں میں درجہ چہارم کی خالی آسامیوں پر بھرتیوں کی منظوری دیدی ہے، اطلاعات کے مطابق راولپنڈی ضلع میں 300 سے زائد آسامیاں خالی ہیں، جس پر 2004کی بھرتی پالیسی کے تحت بھرتیاں کی جائیںگی۔
، متعلقہ ڈسٹرکٹ اتھارٹیز درجہ چہارم 1تا4 گریڈ کے ملازمین کی بھرتیاں کریں گے، راولپنڈی میں 5 فیصد کوٹہ اقلیتوں، 3فیصد معذور، 15فیصدخواتین، 20 فیصد کوٹہ ریٹائر ڈ ملازمین کے بچوں کیلئے رکھا جاتا ہے۔