واسا ہیڈ آفس میں غازی یونین سی  بی اے کے زیر اہتمام جشنِ میلاد النبی                             

ملتان ( نمائندہ خصوصی )واسا ہیڈ آفس میں غازی یونین سی بی اے کے زیر اہتمام جشنِ میلاد النبی کے سلسلہ میں تقریب منعقد کی گئی۔ نقشبندی برادران نے ہدیہ نعت جبکہ علامہ محمد فاروق مہروی نے حاضرین سے خطاب کے دوران کہا کہ ہمیں دنیا و آخرت میں کامیابی کیلئے حضور نبی کریم صلی اللہ علیہ وآلہ وسلم کی تعلیمات پر عمل پیرا ہونا ہوگا۔تقریب میں محمد جمشید یوسف،محمد عاصم گولڑوی،اشرف سعیدی ودیگر نے گلبہائے عقیدت پیش کئے۔ ڈائریکٹر ورکس شہزاد منیر،ڈائریکٹر انجینئرنگ عبدالسلام،ڈائریکٹر فنانس محمد سعید ڈوگر،ڈپٹی ڈائریکٹرز انجم الزماں، حسن محمود بخاری،صدر غازی یونین سی بی اے ملک وحید رجوانہ،جنرل سیکرٹری مہر عمر حیات، شیخ رفیع صدر سی بی اے ایم ڈی اے، ملک منظور حسین صدر ملتان ویسٹ منیجمنٹ کمپنی، وسیم خان بلوچ صدر ایپکا پبلک ہیلتھ ملتان سمیت واسا افسران ملازمین اور شہریوں کی کثیر تعداد نے شرکت کی۔