کراچی (آئی این پی) قومی ایئر لائن میں ایندھن کی فراہمی کا بدترین بحران جاری ہے۔ گزشتہ روز پی آئی اے نے مزید27 پروازیں منسوخ کر دیں۔ پی آئی اے کی کراچی سے لاہور، رحیم یارخان اور پشاور کی دو طرفہ7 پروازیں منسوخ کر دی گئیں۔ کراچی سے ملتان، دبئی اور اسلام آباد کی6 پروازیں منسوخ ہیں۔ ملتان سے جدہ اور القسیم، 2 ، لاہور شارجہ، دبئی اور جدہ لاہور کی 4 پروازیں بھی منسوخ ہیں۔ اسلام آباد سے دبئی، دمام، مدینہ اور جدہ کی 4 پروازیں منسوخ ہیں۔ اسی طرح اسلام آباد سے ابوظہبی اور کوئٹہ کی 3 پروازیں بھی منسوخ کر دی گئیں جبکہ دبئی سے پشاور کی پرواز بھی منسوخ کر دی گئی ہے۔ اس حوالے سے ترجمان پی آئی اے کاکہنا ہے کہ اندرون ملک چلائی جائیں گی۔ میسر فیول میں بیرون ملک آپریشن کو ترجیح بنیادوں پر جاری رکھا جا رہا ہے۔ واضح رہے کہ گزشتہ روز بھی ملک بھر سے 50 سے زائد پروازیں منسوخ کی گئی تھیں۔