یونیورسٹی آف ہوم اکنامکس کی طالبات میں30لاکھ روپے کی سکالر شپ تقسیم

لاہور (لیڈی رپورٹر)یونیورسٹی آف ہوم اکنامکس کی طالبات میں تیس لاکھ روپے کی مالیت کے سکالر شپ تقسیم کئے گئے۔ سکالرشپ تقسیم کرنے کی تقریب میں وائس چانسلر پروفیسر ڈاکٹر فلیحہ زہرا کاظمی، رجسٹرار شجاعت منیف قریشی، خزانچی محمد کاشف، سیکرٹری سکالر شپ کمیٹی ڈاکٹر مصباح نے شرکت کی۔ بے نظیر انڈرگریجویٹ سکالر شپ پروگرام کے تحت طالبات میں وظائف تقسیم کیے گئے۔ وائس چانسلر پروفیسر ڈاکٹر فلیحہ زہرا کاظمی نے کہا ہے کہ یونیورسٹی کی طالبات کی سلیکشن کمیٹی نے انٹرویوز اور دیگر کوائف کی جانچ پڑتال کرنے کے بعد وظائف جاری کیے گئے ہیں۔