خاتون کا پیچھا ‘ہراساں کرنیوالا موٹر سائیکل سوار گرفتار

لاہور(نامہ نگار)ورچوئل ویمن پولیس سٹیشن نے موٹر سائیکل پر خاتون کا پیچھا اور ہراساں کرنیوالے ملزم کو گرفتارکرا دیا ۔ خاتون دفتر سے گھر واپس جا رہی تھی کہ موٹر سائیکل سوار نے پیچھا شروع کر دیا۔خاتون نے روکنے کی کوشش کی مگر وہ باز نہ آیا۔خاتون نے 15 پر کال کے ذریعے ورچوئل ویمن پولیس سٹیشن میں شکایت درج کروائی۔ پولیس نے خاتون کی نشاندہی پر ملزم کو گرفتار کرلیا۔ ملزم کے خلاف مقدمہ درج کر کے قانونی کارروائی کا آغاز کردیا۔