لاہور(نامہ نگار) نصیر آبادپولیس نے نجی تعلیمی ادارے میں آئس سپلائی کرنیوالے میاں بیوی کوگرفتار کر کے2کلو آئس برآمد کر لی ۔ساندہ پولیس نے منشیات فروش ہارون خان کو گرفتا ر کرکے لاکھوں روپے مالیت کی15 کلوگرام چرس قبضہ میں لے لی۔ملزم رکشہ میں گوجرانوالہ سے لاہور منشیات سپلائی کرنے آیا تھا۔مستی گیٹ پولیس نے منشیات فروش افضال کو رنگے ہاتھوں گرفتار کرکے 1360گرام چرس برآمد کرلی۔مغلپورہ پولیس نے2 سابقہ ریکارڈ یافتہ منشیات فروش منور عباس اور امجد سے 2کلو 840گرام چرس برآمد کرلی۔چوکی سگیاں پولیس نے تین رکنی موٹر سائیکل چور گینگ کو گرفتار کر لیا گیا۔ملزمان سے 8موٹر سائیکلز اور غیر قانونی اسلحہ برآمد کیاگیا۔مصطفی ٹاؤن پولیس نے3رکنی موٹرسائیکل و سنیچر گینگ حراست میں لے لیا۔ملزمان میں غضنفر علی، شہباز رزاق اور محمد امین شامل تھے۔گرفتار ملزمان سے چھینی گئی 3عدد موٹر سائیکلز، 10موبائل فونز، ناجائز اسلحہ اور نقدی برآمد کی گئی۔ڈولفن سکواڈ نے گذشتہ 72گھنٹوں کے دوران 32اشتہاریوں سمیت مختلف مقدمات میں مطلوب 192ملزمان حراست میں لے لئے ہیں۔