ایس ٹی ایس پی پاکستان،آئی اے ایس پی یوایس اے،پین کون4 کا انعقاد

لاہور(کامرس رپورٹر) ’’سوسائٹی فارٹریٹمنٹ اور سٹڈی آف پین، پاکستان‘‘ اور’’ انٹرنیشنل ایسوسی ایشن آف دی سٹڈی فار پین ، یو ایس اے‘‘ کی جانب سے PAINCON4" "کا انعقاد 19-20 اکتوبر2024 کو لاہور کے مقامی ہوٹل میں کیا گیا۔ سوسائٹی فارٹریٹمنٹ او ر سٹڈی آف پین (STSP) ہر 2سال بعد PAINCON4کا نفرس کا انعقاد کرتا ہے جس میںپاکستان کے مختلف مایہ ناز ہسپتالوں کے شعبہ اینستھیزیاسمیت دنیا بھر سے بہترین پین فزیشنز حصہ لیتے ہیں۔پروفیسر ڈاکٹر لینیٰ عزیز(ایچ ۔او ۔ڈی) اینستھیزیااینڈ پین میڈیسن ، گھرکی ٹرسٹ ٹیچنگ ہسپتال نے پاکستان میں درد کی تعلیم ، ماضی اور مستقبل کے موضوع پرتفصیلی گفتگو کی۔ ڈاکٹر شاہد رسول ڈار (اسسٹنٹ پروفیسر) اور ڈاکٹر وقاص اشرف (کنسلٹینٹ آف پین میڈیسن) گھرکی ہسپتال نے انٹروینشنل پین مینجمنٹ پر تحقیقی مقالے پیش کیے ۔