2 روزہ انٹرنیشنل قرآن سمٹ کا آغاز

لاہور(نیوزرپورٹر)قرآن سوسائٹی شیخ خلیفہ بن زاید النہیان میڈیکل اینڈ ڈینٹل کالج لاہور کے زیر انتظام 2 روزہ انٹرنیشنل قرآن سمٹ 2024 کا انتہائی کامیاب آغاز گزشتہ روز ہوا۔ سمٹ میں علما،اسکالرز اور قرآنی تعلیم کے اہلِ فکر نے شرکت کی جس کا مقصد قرآنی فہم کو نئی نسلوں تک پہنچانا اور اسلام کا پیغامِ امن اور محبت کو عام کرنا تھا۔اس موقع پر پروفیسر عائشہ ہمایوں پرنسپل شیخ خلیفہ بن زاید النہیان میڈیکل اینڈ ڈینٹل کالج، قاری سعید اللہ،سمیت دیگر فیکلٹی ممبران، ڈاکٹرز، نرسز اور میڈیکل سٹاف کی کثیر تعداد نے شرکت کی۔