متعدد وارداتیں،ڈیفنس میں ایک کروڑ کا ڈاکہ، 2 کاریں،7 موٹرسائیکل چوری

لاہور (نامہ نگار) ڈاکوؤں، چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈیفنس اے کے ڈبل ایف بلاک میں پانچ ڈاکوؤں نے سعد کے گھر اہلخانہ کو گن پوائنٹ پر یرغمال بنا کر ایک کروڑ 4لاکھ 50 ہزار روپے کے طلائی زیورات، گھڑیا ں اور نقدی لوٹ لی ہے۔ جن میں 87 لاکھ مالیت کا 35 تولے سونا، ساڑھے14 لاکھ مالیت کی گھڑیاں اور ساڑھے تین لاکھ روپے شامل ہیں۔ برکی میںفیاض اور اس کی فیملی سے 4 لاکھ روپے، سبزہ زار کے علاقے میں نوید اور اس کی فیملی سے3 لاکھ روپے مالیت، راوی روڈ کے علاقے میں حسین اور اس کی فیملی سے 2لاکھ روپے مالیت، فیصل ٹاؤن میں نواز اور اس کی فیملی سے95 ہزار روپے، زیورات، موبائل فون اور دیگر سامان، ڈیفنس بی میں ہاشم سے57ہزار اور موبائل فون، شادمان میں عبداللہ سے45ہزار، موبائل فون، باٹا پور میں زبیر سے35 ہزار، موبائل فون، لوئر مال میں عنصر سے20ہزار روپے اورموبائل فون لوٹ لیا گیا۔ چوروں نے چوہنگ اورکوٹ لکھپت سے2گاڑیاں جبکہ گجرپورہ، نصیر آباد، کینٹ، شاہدرہ ٹاؤن، کاہنہ، چوہنگ اور یکی گیٹ کے علاقوں سے 7 موٹر سائیکلیں چوری کر لیں اور فرار ہو گئے۔