بل گیٹس نے کملا ہیریس کی مہم کیلئے 50 ملین ڈالر عطیہ کردئیے

واشنگٹن (این این آئی)امریکا کے کھرب پتی ڈیموکریٹس اور ری پبلکن صدارتی امیدوار کے حق میں صف آرا، بل گیٹس نے کاملا ہیریس کی انتخابی مہم کیلئے 50 ملین ڈالر عطیہ کردیے۔میڈیارپورٹس کے مطابق بل گیٹس نے اپنے بیان میں کہا کہ دونوں سیاسی جماعتوں کا حامی ہوں مگر یہ الیکشن مختلف ہے۔اس سے قبل پیش گوئیاں کرنیوالے پانچ اہم اداروں نے دعوی کیا ہے کہ سابق صدر ڈونلڈ ٹرمپ ایک بار پھر امریکا کے صدر منتخب کرلیے جائیں گے۔امریکی اخبار کے مطابق پانچ نومبر کو ہونے والے صدارتی انتخابات میں مقابلہ انتہائی کانٹے کا ہوگا، ڈونلڈ ٹرمپ کے جیتنے کا امکان 51 فیصد جبکہ کاملا ہیریس کے جیتنے کا امکان 49 فیصد ہے۔