گوجرانوالہ(نمائندہ خصوصی)گوجرانوالہ چیمبر آف کامرس اینڈ انڈسٹری کے صدر رانا صدیق خاں نے جی بی سی میں منعقدہ ’’میڈاِن گوجرانوالہ ‘‘ انکلویئر کا وفد کے ہمراہ دورہ کیا۔وفد میں سینئرنائب صدر احمد نوید رانجھا ،نائب صدر چوہدری یوسف ،اراکین مجلس عاملہ ،سابق صدور عاصم انیس ،میاں عمر سلیم ،سابق نائب صدر وقاص فضل ،سینئر رہنما علی ہمایوں بٹ ،نیئر جمیل بھٹی کے علاوہ دیگر اہم کاروباری شخصیات بھی موجود تھی۔دورے کے دوران صدر چیمبررانا محمد صدیق خاں نے تبادلہ خیال کرتے ہوئے کہا کہ گوجرانوالہ کی مصنوعات کو عالمی سطح پر متعارف کروانے کیلئے ’’میڈ ان گوجرانوالہ ‘‘ انکلویئر بہترین فورم ہے ۔یقینا ’’میڈ ان گوجرانوالہ ‘‘ انکلویئر سے نہ صرف یہاں کی لوکل انڈسٹری انٹرنیشنل مارکیٹ میں متعارف ہو گی بلکہ گوجرانوالہ  سے ایکسپورٹ میں بھی خاطر خواہ اضافہ ہوگا۔