سری لنکا میں جاری ٹی ٹوینٹی ورلڈ کپ میں آج ویسٹ انڈیز کا مقابلہ آئرلینڈ سے ہو گا۔

ورلڈ کپ ٹی ٹوینٹی میں آج کا واحد میچ ویسٹ انڈیز اور آئرلینڈ کے درمیان کھیلا جائے گا۔ پاکستانی وقت کے مطابق یہ میچ شام سات بجے شروع ہو گا۔ آج کا میچ ویسٹ انڈیز کیلئے انتہائی اہمیت اختیار کر چکا ہے کیونکہ آسٹریلیا سے شکست کے بعد گروپ ایٹ میں پہنچنے کیلئے ویسٹ انڈیز کو ہر حال میں یہ میچ جیتنا ہو گا۔ دوسری طرف آئرلینڈ کی ٹیم بھی اپ سیٹ کی صلاحیت رکھتی ہے اور ویسٹ انڈیز کو ہرا کر اگلے مرحلے میں پہنچنے کیلئے پرعزم ہے۔ گروپ ڈی میں پاکستان اپنا دوسرا میچ کل بنگلہ دیش کیخلاف کھیلے گا۔ پالی کیلے میں پاکستان اور بنگلہ دیش کے درمیان میچ شام سات بجے شروع ہو گا۔