ایشین گیمز : چین کے 40 گولڈ میڈلز

انچیون (سپورٹس رپورٹر) کوریا کے شہر انچیون میں جاری ایشین گیمز کے چوتھے روز چین نے 40 گولڈ میڈل حاصل کر کے برتری حاصل کر لی ہے۔گزشتہ روز 29 میڈلز میں سے 12 چین کے حصے میں آئے جبکہ کوریا 19 گولڈ کے ساتھ دوسرے اور جاپان 16 گولڈ کے ساتھ تیسرے نمبر پر رہا۔ پاکستانی دستے کے لئے چوتھا روز خوش قسمت رہا جس میں پاکستان پہلا برانز میڈل حاصل کرنے میں کامیاب ہو گیا۔ پاکستان کے سید مراتب علی شاہ نے ووشو کے 70 کلوگرام کلاس میں پاکستان کے لئے میڈل حاصل کیا۔ گولڈ میڈل حاصل کرنے والے دیگر نمایاں ممالک میں قزاقستان نے 4، نارتھ کوریا اور منگولیا نے تین تین، ملائیشیا، چائنیز تائپے اور میانمار نے دو دو گولڈ اپنے نام کر لئے ہیں۔