لاہور (سپورٹس ڈیسک) پاکستان کرکٹ بورڈ کے زیراہتمام قومی ٹی ٹونٹی ٹورنامنٹ میں ڈیرہ مراد جمالی نے بہاولپور سٹیگز، فیصل آباد وولوز نے اے جے کے جیگوار جبکہ پشاور پینتھرز نے اسلام آباد لیپرڈز کو شکست دیدی۔ ڈیرہ مراد جمالی نے 7 وکٹوں پر 141 رنز بنائے۔ بہاولپور سٹیگز کی ٹیم 6 وکٹوں پر 140 رنز بنا سکی۔ نجیب اللہ کو میچ کا بہترین کھلاڑی قرار دیا گیا۔ اے جے کے جیگوارز نے 4 وکٹوں پر 135 رنز بنائے۔ فیصل آباد وولوز نے ہدف 2 وکٹوں پر پورا کر لیا۔ فرخ شہزاد نے ناقابل شکست 72 رنز بنائے اور مین آف دی میچ قرار پائے۔ اسلام آباد لیپرڈز نے 6 وکٹوں پر 156 رنز بنائے۔ پشاور پینتھرز نے ہدف 6 وکٹوں پر پورا کر لیا۔ محمد فیاض نے39 رنز بنائے اور میچ کے بہترین کھلاڑی قرار پائے۔