جھنگ: وٹہ سٹہ کی شادی، کلہاڑی کے وار کرکے بہن کو قتل کردیا

جھنگ (نامہ نگار )گھریلوجھگڑے پر بھائی نے بہن کو کلہاڑیوں کے وار کرکے قتل کردیا۔ تھانہ صدر کے علاقہ موضع موہل کی 22 سالہ رانی بی بی کی چھ ماہ قبل وٹہ سٹہ کی شادی ہوئی تھی چند روز قبل رانی بی بی سسرال سے جھگڑ کر میکے آگئی ۔ گزشتہ روز اسکی اپنے بھائی فیصل سے تلخ کلامی ہوگئی۔ رانی بی بی سسرال سے ناراض ہوکر آئی تو فیصل کی بیوی بھی ناراض ہوکر چلی گئی ۔فیصل کو اس بات کا رنج تھا کہ اسکی بہن کی وجہ سے اسکا گھر بھی اجڑ رہا ہے جس پر اس نے طیش میں آکر کلہاڑیوں کے وار کرکے رانی بی بی کو قتل کردیا۔پولیس تھانہ صدر نے نعش قبضہ میں لیکر پوسٹ مارٹم کیلئے ڈسٹرکٹ ہیڈ کوارٹر ہسپتال منتقل کر دی۔