راولپنڈی(صباح نیوز)راولپنڈی کے علاقے ڈھوک چراغ دین میںایک شخص نے فائرنگ کر کے بیوی اور سسر کو قتل کر دیا،ہفتہ کوراولپنڈی میں تھانہ سول لائنز کے علاقے ڈھوک چراغ دین میں گھر میں فائرنگ کر کے باپ بیٹی کو قتل کر دیا۔ شاہدین کے مطابق چار مسلح افراد نے گھر میں داخل ہو کر فائرنگ کی۔ پولیس حکام کا کہنا ہے کہ فائرنگ کرنے والا ملزم مقتول کا داماد ہے، جس نے گھریلو جھگڑے پر بیوی اور سسر کو قتل کیا، فائرنگ داماد اور اس کے بھائیوںنے کی جو موقع سے فرار ہو گئے، نعشوں کو پوسٹ مارٹم کے لئے ہسپتال منتقل کر دیا گیا۔