پاکستان پریمیئر لیگ کا آغاز کل ملتان میں ہوگا

لاہور(سپورٹس رپورٹر) 12ویں پاکستان پریمیئر لیگ کا آغاز منگل کو ملتاں میں ہوگا، دوسرے مرحلے میں لاہور اور کراچی میں میچز کھیلے جائیں گے۔ پی ایف ایف کے معاملات میں سیاسی مداخلت کی وجہ سے معطل رہنے والی فٹبال سرگرمیاں بتدریج بحال ہوتی جارہی ہیں، 3سال کے طویل وقفے کے بعد پاکستان پریمیئر لیگ کا آغاز ملتان میں ہو رہا ہے، بعد ازاں دوسرے مرحلے میں لاہور اور کراچی میں میچ کھیلے جائیں گے۔ اس سے قبل شریک ٹیموں کے منیجرز کی میٹنگ ہاکی گراونڈ ملتان سے متصل سپورٹس کمپلیکس کلمہ چوک میں ہوگی۔