جوشوانے ورلڈ ہیوی ویٹ ٹائٹل کا دفاع کر لیا

ویمبلے(اے پی پی) شہرہ آفاق برطانوی باکسر اینتھونی جوشوا ورلڈ ہیوی ویٹ ٹائٹل کا کامیاب دفاع کر لیا، انہوں نے حریف روسی باکسر الیگزینڈر پاوٹکن کو شکست دے کر مسلسل 22 مقابلوں میں ناقابل شکست رہنے کے ریکارڈ کو برقرار رکھا ۔جبکہ الیگزینڈر کو کیریئر میں دوسری مرتبہ ناکامی کا سامنا کرنا پڑا۔ ویمبلے اسٹیڈیم میں ورلڈ ہیوی ویٹ ٹائٹل فائٹ میں میزبان ملک کے باکسر اینتھونی جوشوا چھائے رہے اور انہوں نے حریف روسی باکسر کو مکوں کی بوچھاڑ سے نڈھال کر دیا انہیں ناک آئوٹ کر کے ٹائٹل کا کامیاب دفاع کرنے کا اعزاز حاصل کیا، یہ جوشوا کی 22مقابلوں میں مسلسل بائیسویں فتح ہے جبکہ دوسری جانب الیگزینڈر کو کل 36 مقابلوں میں سے دوسری بار شکست کا سامنا کرنا پڑا۔