بلاول بھٹو زرداری کی عوامی مقبولیت میں بے پناہ اضافہ ہوا : ارشاد اللہ سندھو

گوجرانوالہ(نمائندہ خصوصی) بلاول بھٹو زرداری کی عوامی مقبولیت میں بے پناہ اضافہ ہوا ہے وہ بڑے لیڈر کے طور پر ابھر کر سامنے آئے ہیں مسلم لیگ ن کے بعد پی ٹی آہی حکومت نے بھی عوام کو مایوس کیا ہے اب عوام کی نظریں پیپلزپارٹی اور بلاول بھٹو زرداری پر ہیں ان خیالات کا اظہار پیپلزپارٹی ضلع گوجرانوالہ کے جنرل سیکرٹری چوہدری ارشاد اللہ سندھو نے پیپلز لیبر بیورو ضلع گوجرانوالہ کے زیراہتمام بلاول بھٹو زرداری کی 33ویں سالگرہ کی تقریب سے خطاب کرتے ہوئے کیا انہوں نے کہا کہ موجودہ حکمرانوں سے چھٹکارا حاصل کرنے کے لیے پیپلزپارٹی اور بلاول بھٹو زرداری کا ساتھ دیں۔