لاڑکانہ ،کاروکاری کے تنازعے پرفائرنگ،6بچوں کاباپ قتل 

لاڑکانہ(بیورو رپورٹ) گاجی گھاوڑ کے قریب گاؤں صادق ماچھی میں سیاہ کاری کے تنازعے پر مسلح افراد نے فائرنگ کرکے 6 بچوں کے والد محمد دین سولنگی کو قتل کرکے فرار ہوگئے اطلاع پر حد کے تھانہ گاجی کھاوڑ کی پولیس نے پہنچ کر تفصیلات معلوم کیں بعد ازاں ورثاء نے نعش چانڈکا اسپتال کے شعبہ حادثات منتقل کردیا جہاں ضروری کاروائی کے بعد لاش ورثہ کے حوالے کردی گئی تاہم ورثاء نے مقتول کی نعش ایمبولینس میں رکھ کر پریس کلب کے سامنے احتجاجی مظاہرہ کیا، اس موقع پر مقتول کے والد مزن سولنگی نے اپنے ورثہ کے ہمراہ بتایا کہ ہمارا اپنی ہی برادری کے بااثروں کے ساتھ سیاہ کاری کا تنازعہ چل رہا تھا جس کا فیصلہ سردار ہمت علی نے کرکے بااثر امجد سولنگی پر 7 لاکھ روپے جرمانہ اور گاؤں بدر کرنے کا فیصلہ سنیا جسے بااثروں نے نہ مانتے ہوئے ہمیں مسلسل دھمکیاں دی آج امجد سولنگی، حاجی عبدالرسول، شاہد و دیگر نے فائرنگ کرکے بیٹے کو قتل کردیا ہے، انہوں نے مطالبہ کیا کہ قتل میں ملوث کو گرفتار کرکے انصاف فراہم کیا جائے۔