اب بابر اور رضوان سے جان چھڑالی جائے؟ شاہین آفریدی کی طنزیہ ٹوئٹ

لاہور(سپورٹس رپورٹر)انگلینڈ کے خلاف ٹی ٹونٹی میں شاندار کامیابی کے بعد قومی ٹیم کے فاسٹ بائولر شاہین شاہ آفریدی نے بابر اعظم اور محمد رضوان پر تنقید کرنے والوں کو تنقید کا نشانہ بنایا۔انہوں نے لکھا کہ دونوں اتنے خودغرض کھلاڑی ہیں، اگر صحیح کھیلتے تو میچ 15 اوورز میں ہی اسکور مکمل ہوجانا چاہیے تھا لیکن یہ آخری اوور تک لے گئے، میرے خیال سے اس پر تحریک نہ چلائی جائے؟شاہین نے طنزیہ انداز میں یہ بھی  لکھا کہ اب وقت آگیا ہے کہ بابر اور رضوان سے جان چھڑالی جائے۔تنقید کرنے والوں کو سنانے کے بعد شاہین نے لکھا کہ مجھے اس بہترین ٹیم پر فخر ہے، ساتھ ہی انہوں نے کپتان بابر اعظم اور محمد رضوان کی تصویر بھی شئیر کی۔