بل اینڈ میلنڈا گیٹس فانڈیشن کا عالمی اہداف کو پورا کرنے کیلئے نئی فنڈنگ کا اعلان 

نیویارک( شِنہوا)بل اینڈ میلنڈا گیٹس فانڈیشن نے صحت اور ترقی کے شعبوں میں عالمی اہداف کو پورا کرنے کیلئے 1 ارب 27 کروڑ امریکی ڈالر فراہم کرنے کا اعلان کیا ہے۔
فانڈیشن کی جانب سے جاری ایک ریلیز میں کہا گیا ہے کہ بل اینڈ میلنڈا گیٹس فانڈیشن نے خاص طور پر 2030 تک ایچ آئی وی، تپ دق اور ملیریا کے خاتمے میں مدد کیلئے 91 کروڑ 20 لاکھ امریکی ڈالر فراہم کرنے اور مستقبل کے وبائی امراض سے حفاظت کیلئے درکار مستحکم نظام صحت کی تعمیر کرنے کا وعدہ کیا ہے۔ریلیز میں مزید کہا گیا ہے کہ یہ فنڈنگ خواتین اور لڑکیوں پر ان بیماریوں کے غیر متناسب اثرات کو کم کرنے میں بھی مددگار ثابت ہوگی۔فانڈیشن کے سی ای اومارک سوزمین نے کہا کہ ہم اقوام متحدہ کے پائیدار ترقی کے اہداف (ایس ڈی جیز) کے راستے پر دوبارہ گامزن ہو سکتے ہیں لیکن اس کیلئے ایک نئی سطح پر ہر شعبے کا تعاون اور سرمایہ کاری درکار ہو گی۔ انہوں نے یہ بھی کہا کہ فانڈیشن بحرانوں کا مقابلہ کرنے اور صحت اور ترقی کے اہم عوامل پر طویل المدتی اثرات کو یقینی بنانے کیلئے اپنے عزم میں نمایاں اضافہ کر رہی ہے۔
فنڈنگ اعلان