سان سلواڈور(اے پی پی)وسطی امریکی ملک ایل سلواڈور میں شدید بارشوں اور لینڈسلائیڈنگ کے باعث 7افراد ہلاک ہوگئے۔
چینی خبر رساں ادارے کے مطابق قومی جنرل ڈائریکٹوریٹ آف سول پروٹیکشن سسٹم کے ڈائریکٹر لوئس الونسو امایا نے بتایا کہ ایل سلواڈور میں شدید بارشوں اور لینڈ سلائیڈنگ سے قریبی مکانات کوجزوی نقصان پہنچا۔ نیشنل سول پروٹیکشن سسٹم کے ڈائریکٹر نے میڈیا کو بتایا کہ شدید بارشوں، سیلاب اور مٹی کا تودہ گرنے کے مختلف واقعات کے نتیجے میں سان سلواڈورکی میونسپلٹی پنچ میلکو 2 اور لا لیبرٹاد کی میونسپلٹی ہوزیوکار میں ایک ہی خاندان کے 3 بچے اور2نوجوان ہلاک ہو گئے۔
