حافظ آباد: خاتون گھر میںقتل،زمیندار کا جوان بیٹے کو گولیوں سے چھلنی کردیا 

حافظ آباد(نمائندہ نوائے وقت+نامہ نگار+نمائندہ خصوصی) حافظ آباد میں دومختلف واقعات میںخاتون سمیت 2افراد قتل۔ تفصیلات کے مطابق قتل کی پہلی لرزہ خیز واردات گڑھی گوندل میں ہوئی جہاںپر دو افراد نزیر احمد کے گھر داخل ہوئے تو نذیر کی بیوی ثمیرہ بی بی نے شورمچادیا جس پر انہوں نے فائرنگ کرکے اسے شدیدزخمی کردیا اور فرار ہوگئے۔ ثمیرہ بی بی الائیڈ ہسپتال فیصل آباد  جاکر دم توڑ گئی۔ ادھر رامکے چٹھہ میں زمیندار رانا محمد شمشاد کا جواں سال بیٹابلال احمد اپنی موٹر سائیکل پر جارہا تھا ۔ راستہ میں طہٰ ولد عامر وینس نے سابقہ رنجش پر فائرنگ کرکے بلال احمد کو شدید زخمی کردیا جس پر اسے لاھور ہسپتال لیجایا جارہاتھا کہ وہ راستہ میں ہی دم توڑ گیا۔ پولیس نے مقدمہ درج کرلیا۔