فیروز والہ :ڈاکوﺅں نے متعدد شہریوں کولوٹ لیا

 فیروز والہ( نامہ نگار) ڈھامکے کے قریب ڈاکو قمر شہزاد اور اسلام الحق سے نقدی اور موٹر سائیکل‘ موٹروے پل کے قریب محمد سہیل سے 80 ہزار روپے اور دو موبائل چھین کر لے گئے۔تھانہ سٹی کے قریب دن دیہاڑے 2 موٹرسائیکل سوار ڈاکو گھی کی ایجنسی کے ملازم فاروق احمد سے 15 لاکھ روپے چھین کر فرار ہوگئے۔ ابوالخیر چوک میں پھول مارکیٹ کے قریب 2 ڈاکو سعود احمد سے 95 ہزار روپے چھین کر فرار ہوگئے۔شرقپور پورکے قریب کار سوار پولیس کی وردیوں میں ملبوس ڈاکو اکبر علی کے بیٹے سے ساڑھے نو لاکھ روپے اور موبائل چھین کر لے گئے۔