ننکانہ صاحب (نمائندہ خصوصی) جمنیزیم ہال ننکانہ میں منعقد ہونیوالے کیوکوشن سنوڈا کپ میں لاہور‘ شیخوپورہ‘ قصور اور ننکانہ صاحب کی ٹیموں نے حصہ لیا۔ان مقابلوں میں ننکانہ صاحب کی ٹیم نے پہلی لاہور کی ٹیم نے دوسری جبکہ قصور کی ٹیم نے تیسری پوزیشن حاصل کی۔ چیف شیہان خلیل الرحمن نے میڈیا سے گفتگو کرتے ہوئے کہاگورنمنٹ کی جانب سے ہماری کوئی سپورٹ نہیں نومبر میں ورلڈ چیمپئن شپ جاپان میں ہونے جا رہی ہے۔ گورنمنٹ ہماری سپورٹ کرے تو نومبر میں ورلڈ چیمپئن شپ میں حصہ لے سکتے ہیں۔