ویمن ٹی20 ورلڈ کپ، فاطمہ ثنا کی قیادت میں پاکستان ٹیم دبئی پہنچ گئی

 لاہور(سپورٹس رپورٹر) آئی سی سی ویمن ٹی20 ورلڈ کپ میں شرکت کیلئے پاکستان کرکٹ ٹیم کپتان فاطمہ ثنا کی قیادت میں دبئی پہنچ گئی۔ چیئرمین محسن نقوی نے ویمن کرکٹ ٹیم کیلئے نیک خواہشات کا اظہار کرتے ہوئے کہا ویمن ٹیم کی پلیئرز باصلاحیت اور ٹیلنٹڈ ہیں۔ امید ہے کہ ویمن کرکٹ ٹیم آئی سی سی ویمن ٹی20 ورلڈ کپ میں اچھی کارکردگی دکھائے گی۔ فاطمہ ثنا کا کہنا تھا کہ اچھی کرکٹ کھیلیں گے، کھلاڑیوں کا مورال بلند ہے۔ ورلڈ کپ میں بھرپور صلاحیتوں کا مظاہرہ کرینگے۔ کپتانی کی وجہ سے مجھ پر کوئی دبا ونہیں۔ میں کپتانی کرتی رہی ہوں، مجھے مینجمنٹ اور کھلاڑیوں کی بہت سپورٹ حاصل ہے اس لیے مختلف محسوس نہیں ہو رہا۔ گروپ میں بڑی ٹیموں کا کوئی دبا نہیں، ہمیں میچ کے دن بس اچھا کھیلنا ہے۔ قومی کپتان کا یہ بھی کہنا تھا کہ آخری مرتبہ ہم بھارت سے ہارے لیکن اس سے پہلے ہم جیتے بھی ہیں۔ بھارت کے ساتھ اچھا مقابلہ رہتا ہے، ہمیں اس دن اچھا کھیلنا ہو گا پھر ہی جیت ہماری ہو گی۔