لاہور (لیڈی رپورٹر) پنجاب حکومت نے صوبے کی 7  یونیورسٹیوں کے وائس چانسلرز کے تقرر کا نوٹیفکیشن جاری کردیا ہے۔محکمہ ہائر ایجوکیشن پنجاب  کے نوٹیفکیشن کے مطابق پروفیسر ڈاکٹر محمد علی کو پنجاب یونیورسٹی، پروفیسر ڈاکٹر شاہد منیر کو یونیورسٹی آف انجینئرنگ اینڈ ٹیکنالوجی، ڈاکٹر عاکف چوہدری کو یونیورسٹی آف ایجوکیشن، ڈاکٹر امجد شجاع یونیورسٹی آف گجرات، ڈاکٹر عنایت اللہ یونیورسٹی آف انجینئرنگ اینڈ ٹیکنالوجی ٹیکسلا، ڈاکٹر عامر اعظم خواجہ فرید یونیورسٹی آف انجینئرنگ اینڈ انفارمیشن ٹیکنالوجی رحیم یار خان جبکہ ڈاکٹر زبیر اقبال کو بہاؤالدین زکریا یونیورسٹی ملتان کا وائس چانسلر تعینات کیا گیا۔ مذکورہ بالا وائس چانسلرز کا تقرر عرصہ چار سال کیلئے کیا گیا ہے.