علٰی الصبح ٹھٹھہ میں بجلی کا بریک ڈاؤن ہوا جس کی وجہ پانی کی اس پائپ لائن میں پریشربڑھ گیا اوردھماکے سے پھٹ گئی ۔ واقعہ کے بعد واٹربورڈ کے عملہ نے پانی کی سپلائی بند کردی ۔ ایکسیئن واٹربورڈ لال محمد سموں کے مطابق بہترانچ کی یہ پائپ لائن انیس سوچھپن میں ڈالی گئی تھی جوپرانی اورزنگ آلود ہوچکی ہے ۔ آج یہ پائپ لائن اچانک بجلی چلے جانے کے باعث بیک پریشربرداشت نہ کرسکی اورپھٹ گئی ۔ انہوں نے کہا کہ پائپ لائن کی مرمت کے لیے کراچی سے بھاری مشینری منگوا لی گئی اور مرمت کا کام ایک دن میں مکمل کرلیا جائے گا۔