ذرائع کے مطابق اورکزئی ایجنسی میں سکیورٹی فورسزکا شدت پسندوں کے خلاف آپریشن اورپیش قدمی جاری ہے۔ آج لوئراورکزئی ایجنسی میں فورسز نے شدت پسندوں کی پناہ گاہوں اور ٹھکانوں کونشانہ بنایا جس کے نتیجے میں چھ شدت پسند ہلاک اوردس زخمی ہوئے ۔ اس کارروائی میں گن شپ ہیلی کاپٹروں نے بھی حصہ لیا ۔ دوسری جانب باجوڑ ایجنسی کی تحصیل خار کےعلاقے خیرآباد میں  شرپسندوں نے ہفتہ اوراتوار کی درمیانی شب مقامی گرلز سکول میں بارودی مواد نصب کیا جوآج علٰی الصبح دھماکے سے پھٹ گیا جس سے سکول کی عمارت تباہ ہوگئی تاہم کوئی جانی نقصان نہیں ہوا۔