ملتان (آئی این پی) ملتان میں رشتہ کے تنازعہ پر سسرالیوں نے بہو پر تیل چھڑک کر آگ لگا دی ،تشویش ناک حالت میں خاتون کو نشتر ہسپتال منتقل کر دیا گیا۔نواحی علاقہ روہیلہ والی کی رہائشی فرحت بی بی کا خاوند اور  سسرالیوں  سے بیٹی کے  رشتہ کا تنازعہ چل رہا تھا جس پر سسرالیوں نے خاتون پر تیل چھڑک کر آگ لگا دی اور فرار ہو گئے۔خاتون کو تشویش ناک حالت میں نشتر  ہسپتال منتقل کیا گیا جہاں پر ڈاکٹرز کے مطابق فرحت کا 60 فیصد جسم جھلس چکا ہے ورثا نے اعلی حکام سے انصاف کی اپیل کی ہے۔