کراچی: میٹرک امتحانات‘ فزکس کا پرچہ واٹس ایپ کے ذریعے آئوٹ‘ معاملے کی انکوائری شروع

کراچی (صباح نیوز)جدید زمانہ‘ جدید تقاضے، کراچی میں میٹرک کے امتحانات میں نقل کا بازار گرم‘ نت نئے طریقے مارکیٹ میں آنے لگے۔ نقل مافیا نے اب واٹس ایپ کا استعمال بھی شروع کر دیا۔دسویں جماعت کا فزکس کا پرچہ واٹس ایپ پرآئوٹ ہوکر فوٹو کاپی کی دکانوں پر پہنچ گیا ۔ معاملے پر چیئرمین میٹرک بورڈ سعید الدین نے انوکھا ردعمل دیا اور کہا شہر میں کسی نے وٹس ایپ پر پرچہ ڈال دیا تو کیا کر سکتے ہیں ، تحقیقات کر رہے ہیں ۔ انہوںنے کہا اگر کسی نے آئندہ پرچہ اوٓٹ کرنے کی کوششش کی تو اسے قرار واقعی سزا ملے گی ، کیس سندھ حکومت کو بھیجا جائے گا ۔